Sjö daga tiltekt

Staðan er svona – þú kemur fáu í verk, nennir eiginlega engu. Þvotturinn safnast upp, ýmist hreinn eða óhreinn. Þú nennir ekki að elda. Þú gerir það allra mikilvægasta í vinnunni og ekkert umfram það. Þú ert að klára verkefnin í skólanum á síðustu stundu – ef þú sleppir ekki bara þessu „eina“ verkefni. O.s.frv.

Næstu sjö daga getur þú gert einföld og fljótleg verkefni sem gætu gert það að verkum að þú finnur aftur neistan þinn til þess að gera það sem þú vilt gera. Eitt leiðir af öðru og mjög furðulegir hlutir eins og að finna aldrei sokka á morgnanna getur verið ástæðan fyrir því að dagurinn gengur illa.

Rauði púkinn á annarri öxlinni þinni mun berjast með kjafti og klóm eftir að hafa lesið þetta – hann mun reyna sannfæra þig að gera ekkert næstu sjö daga. Hlutirnir eru fínir eins og þeir eru!!! Þú ræður hvort þú hlustar á hann eða gerir verkefni dagsins 🙂

Verkefni dagsins henta flest öllum. Ef þér finnst verkefnið ekki henta þér – þá er um að gera að búa til sitt eigið lítið verkefni sem þú gerir í dag. Aðal málið er að klára þetta eina litla verkefni.

Ef útkoman er skemmtileg eftir verkefni dagsins – þá er um að gera að deila á Instagram undir #sjödagatiltekt

Góða skemmtun 🙂

– Elín Kára –

 

Auglýsingar

Ein athugasemd við “Sjö daga tiltekt

  1. Bakvísun: Sjö daga tiltekt – Betri fréttir

Lokað er á athugasemdir.